תנ"ך מנוקד
 
תנ"ך - ישעיהו - הכול
פרק א ב ג ד ה ו ז ח ט י יא יב יג יד טו טז יז יח יט כ כא כב כג כד כה כו כז כח כט ל לא לב לג לד לה לו לז לח לט מ מא מב מג מד מה מו מז מח מט נ נא נב נג נד נה נו נז נח נט ס סא סב סג סד סה סו


ישעיהו פרק נב

א עורי עורי לבשי עוזך, ציון:  לבשי בגדי תפארתך, ירושלים עיר הקודש--כי לא יוסיף יבוא-בך עוד, ערל וטמא.  ב התנערי מעפר קומי שבי, ירושלים; התפתחי מוסרי צווארך, שבייה בת-ציון.  {ס}

ג כי-כה אמר יהוה, חינם נמכרתם; ולא בכסף, תיגאלו.  {ס}

ד כי כה אמר אדוניי יהוה, מצריים ירד-עמי בראשונה לגור שם; ואשור, באפס עשקו.  ה ועתה מה-לי-פה נאום-יהוה, כי-לוקח עמי חינם; מושליו יהילילו נאום-יהוה, ותמיד כל-היום שמי מנואץ.  ו לכן יידע עמי, שמי; לכן ביום ההוא, כי-אני-הוא המדבר הנני.  {ס}

ז מה-נאוו על-ההרים רגלי מבשר, משמיע שלום מבשר טוב--משמיע ישועה; אומר לציון, מלך אלוהייך.  ח קול צופייך נשאו קול, יחדיו ירננו:  כי עין בעין יראו, בשוב יהוה ציון.  ט פצחו רננו יחדיו, חורבות ירושלים:  כי-ניחם יהוה עמו, גאל ירושלים.  י חשף יהוה את-זרוע קודשו, לעיני כל-הגויים; וראו, כל-אפסי-ארץ, את, ישועת אלוהינו.  {ס}

יא סורו סורו צאו משם, טמא אל-תיגעו; צאו מתוכה--היברו, נושאי כלי יהוה.  יב כי לא בחיפזון תצאו, ובמנוסה לא תלכון:  כי-הולך לפניכם יהוה, ומאספכם אלוהי ישראל.  {ס}

יג הנה ישכיל, עבדי; ירום ונישא וגבה, מאוד.  יד כאשר שממו עליך רבים, כן-משחת מאיש מראהו; ותוארו, מבני אדם.  טו כן יזה גויים רבים, עליו יקפצו מלכים פיהם:  כי אשר לא-סופר להם, ראו, ואשר לא-שמעו, התבוננו.  {ס}


תנ"ך מנוקד
 
תנ"ך - ישעיהו - הכול
פרק א ב ג ד ה ו ז ח ט י יא יב יג יד טו טז יז יח יט כ כא כב כג כד כה כו כז כח כט ל לא לב לג לד לה לו לז לח לט מ מא מב מג מד מה מו מז מח מט נ נא נב נג נד נה נו נז נח נט ס סא סב סג סד סה סו


יש לך שאלה או הערה?