תנ"ך מנוקד
 
תנ"ך - ירמיהו - הכול
פרק א ב ג ד ה ו ז ח ט י יא יב יג יד טו טז יז יח יט כ כא כב כג כד כה כו כז כח כט ל לא לב לג לד לה לו לז לח לט מ מא מב מג מד מה מו מז מח מט נ נא נב


ירמיהו פרק י

א שמעו את-הדבר, אשר דיבר יהוה עליכם--בית ישראל.  ב כה אמר יהוה, אל-דרך הגויים אל-תלמדו, ומאותות השמיים, אל-תיחתו:  כי-ייחתו הגויים, מהמה.  ג כי-חוקות העמים, הבל הוא:  כי-עץ מיער כרתו, מעשה ידי-חרש במעצד.  ד בכסף ובזהב, ייפהו; במסמרות ובמקבות יחזקום, ולא יפיק.  ה כתומר מקשה המה ולא ידברו, נשוא יינשאו כי לא יצעדו; אל-תיראו מהם כי-לא ירעו, וגם-היטב אין אותם.  {פ}

ו מאין כמוך, יהוה:  גדול אתה וגדול שמך, בגבורה.  ז מי לא ייראך מלך הגויים, כי לך יאתה:  כי בכל-חכמי הגויים ובכל-מלכותם, מאין כמוך.  ח ובאחת, יבערו ויכסלו; מוסר הבלים, עץ הוא.  ט כסף מרוקע מתרשיש יובא, וזהב מאופז--מעשה חרש, וידי צורף; תכלת וארגמן לבושם, מעשה חכמים כולם.  י ויהוה אלוהים אמת, הוא-אלוהים חיים ומלך עולם; מקצפו תרעש הארץ, ולא-יכילו גויים זעמו.  {פ}

יא כדנה, תאמרון להום, אלהיא, די-שמיא וארקא לא עבדו; יאבדו מארעא ומן-תחות שמיא, אלה.  {ס}

יב עושה ארץ בכוחו, מכין תבל בחכמתו; ובתבונתו, נטה שמיים.  יג לקול תיתו המון מים, בשמיים, ויעלה נשיאים, מקצה הארץ; ברקים למטר עשה, ויוצא רוח מאוצרותיו.  יד נבער כל-אדם מדעת, הוביש כל-צורף מפסל:  כי שקר נסכו, ולא-רוח בם.  טו הבל המה, מעשה תעתועים; בעת פקודתם, יאבדו.  טז לא-כאלה חלק יעקוב, כי-יוצר הכול הוא, וישראל, שבט נחלתו:  יהוה צבאות, שמו.  {ס}

יז אספי מארץ, כנעתך--יושבת, במצור.  {ס}

יח כי-כה אמר יהוה, הנני קולע את-יושבי הארץ בפעם הזאת; והצרותי להם, למען ימצאו.  {ס}

יט אוי לי על-שברי, נחלה מכתי; ואני אמרתי, אך זה חולי ואשאנו.  כ אוהלי שודד, וכל-מיתריי ניתקו; בניי יצאוני, ואינם--אין-נוטה עוד אוהלי, ומקים יריעותיי.  כא כי נבערו הרועים, ואת-יהוה לא דרשו; על-כן לא השכילו, וכל-מרעיתם נפוצה.  {פ}

כב קול שמועה הנה באה, ורעש גדול מארץ צפון:  לשום את-ערי יהודה, שממה--מעון תנים.  {ס}

כג ידעתי יהוה, כי לא לאדם דרכו; לא-לאיש הולך, והכין את-צעדו.  כד יסרני יהוה, אך-במשפט:  אל-באפך, פן-תמעיטני.  כה שפוך חמתך, על-הגויים אשר לא-ידעוך, ועל משפחות, אשר בשמך לא קראו:  כי-אכלו את-יעקוב, ואכלוהו ויכלוהו, ואת-נווהו, השמו.  {פ}


תנ"ך מנוקד
 
תנ"ך - ירמיהו - הכול
פרק א ב ג ד ה ו ז ח ט י יא יב יג יד טו טז יז יח יט כ כא כב כג כד כה כו כז כח כט ל לא לב לג לד לה לו לז לח לט מ מא מב מג מד מה מו מז מח מט נ נא נב


יש לך שאלה או הערה?