תנ"ך מנוקד
 
תנ"ך - איוב - הכול
פרק א ב ג ד ה ו ז ח ט י יא יב יג יד טו טז יז יח יט כ כא כב כג כד כה כו כז כח כט ל לא לב לג לד לה לו לז לח לט מ מא מב


איוב פרק ב

א ויהי היום--ויבואו בני האלוהים, להתייצב על-יהוה; ויבוא גם-השטן בתוכם, להתייצב על-יהוה.  ב ויאמר יהוה אל-השטן, אי מזה תבוא; ויען השטן את-יהוה, ויאמר, משוט בארץ, ומהתהלך בה.  ג ויאמר יהוה אל-השטן, השמת ליבך אל-עבדי איוב--כי אין כמוהו בארץ איש תם וישר ירא אלוהים, וסר מרע; ועודנו מחזיק בתומתו, ותסיתני בו לבלעו חינם.  ד ויען השטן את-יהוה, ויאמר:  עור בעד-עור, וכול אשר לאיש--ייתן, בעד נפשו.  ה אולם שלח-נא ידך, וגע אל-עצמו ואל-בשרו--אם-לא אל-פניך, יברכך.  ו ויאמר יהוה אל-השטן, הנו בידך:  אך, את-נפשו שמור.  ז וייצא, השטן, מאת, פני יהוה; ויך את-איוב בשחין רע, מכף רגלו ועד קודקודו.  ח וייקח-לו חרש, להתגרד בו; והוא, יושב בתוך-האפר.  ט ותאמר לו אשתו, עודך מחזיק בתומתך; ברך אלוהים, ומות.  י ויאמר אליה, כדבר אחת הנבלות תדברי--גם את-הטוב נקבל מאת האלוהים, ואת-הרע לא נקבל; בכל-זאת לא-חטא איוב, בשפתיו.  {פ}
יא וישמעו שלושת ריעי איוב, את כל-הרעה הזאת הבאה עליו, ויבואו איש ממקומו, אליפז התימני ובלדד השוחי וצופר הנעמתי; וייוועדו יחדיו, לבוא לנוד-לו ולנחמו.  יב וישאו את-עיניהם מרחוק ולא הכירוהו, וישאו קולם ויבכו; ויקרעו איש מעילו, ויזרקו עפר על-ראשיהם השמיימה.  יג ויישבו איתו לארץ, שבעת ימים ושבעת לילות; ואין-דובר אליו, דבר--כי ראו, כי-גדל הכאב מאוד.


תנ"ך מנוקד
 
תנ"ך - איוב - הכול
פרק א ב ג ד ה ו ז ח ט י יא יב יג יד טו טז יז יח יט כ כא כב כג כד כה כו כז כח כט ל לא לב לג לד לה לו לז לח לט מ מא מב


יש לך שאלה או הערה?